VOV4.Bahnar - Năr 4/3, tơ̆ pơlei tơm Phú Quốc, dêh char Kiên Giang, Dơnŏ anĭh tơm jang Tơbôl Việt Nam pơgơ̆r hop akŏm pơtôch 20 sơnăm bơ̆ jang hơtơ̆p hơdrơ̆ng sơlam tĕh đak tơ̆ groi tĕh Việt Nam – Campuchia. Kơ iĕng Thủ tướng Phạm Bình Minh vang năm hop akŏm.

Rup hop akŏm

Iung pơma tơ̆ Hop akŏm, Kơdră chĕp pơgơ̆r Dơnŏ anĭh tơm jang tơbôl Bùi Thanh Sơn akhan: hop akŏm au tôch gĭt kăl vă sơkơ̆t hơdăh tơdrong jang keh đang hơtơ̆p hơdrơ̆ng sơlam tĕh đak dang 84% trong sơlam tĕh đak tơ̆ groi tĕh Việt Nam – Campuchia; hơlen hơdăh păng lăng dơ̆ng trong jang ‘lơ̆ng 20 sơnăm tơlĕch jang kiơ̆ pơma dơnŭh chĕng asong hơdrar hơtơ̆p hơdrơ̆ng sơlam tĕh đak tơ̆ groi tĕh Việt Nam – Campuchia; adoi tơlĕch trong bơ̆ jang tơring sơlam tĕh đak tơ̆ groi tĕh Việt Nam – Campuchia lơ̆m khei năr kơnh, lơ̆m au đei tơdrong atŏk kơtang pơma đam xek tơlang chĕng asong hơdrar hơtơ̆p hơdrơ̆ng 16% trong sơlam tĕh đak uơ oei.

Tơblơ̆ nơ̆r: Amazưt