Pơma pơtôch hop akŏm, Tổng Bí thư, Kơdră chĕp pơgơ̆r Teh đak Tô Lâm pơma hơdăh khei ‘năr pơjei jang kmăi kmŏk lơ̆m plei teh toch kơtang, tơdrong tơlĕch jang kiơ̆ Tơdrong tơchơ̆t 57 ưh khan lăp trong hơmet pơ ‘lơ̆ng tơdrong hơmơt tơjur tơ̆ rŏng mă oei jing tơdrong kăl hloh hăm tơdrong pơm tơ-‘ngla gĭt kăl păng vei lăng sơđơ̆ng teh đak. Găh tơdrong tơplih kơsô̆ teh đak, Tổng Bí thư, Kơdră chĕp pơgơ̆r Teh đak Tô Lâm pơma hơdăh tơdrong tơm lơ̆m khei năr ou kơnh ‘noh kăl pơtrŭt kơtang tơplih kơsô̆ lơ̆m hơnih jang mơdro sa păng pơđĭ lơ̆m tơpôl. Proh hơmet khul jang ăn hơnô̆ hơnăp kơnh, Tổng Bí thư, Kơdră chĕp pơgơ̆r teh đak Tô Lâm athei đơ̆ng lơ̆m sơnăm hŏk ‘nao 2026 ou hloi, hơnih jang pơtho pơhrăm kăl đei hơyak tơplih kơtang lơ̆m pơchoh trong, pơtho pơhrăm rim hơnih jang khoa hŏk kăl, kmăi kmŏk kăl, tơ iung pơjing ăn jơhnơr sinh viên yak mơ̆t hŏk đăi hŏk sơnăm ou gô sơkơ̆t hơdăh tơdrong tơplih kơ jơhnơr kang ƀô̆ khoa hŏk gơh hơgei kơ teh đak lơ̆m 10 sơnăm kơnh.