VOV.Bahnar - Pơgê năr 12/8, Dơnŏ anĭh tơm vei lăng Hnam trương pơtho pơhrăm pơgơ̆r Hop akŏm pơtôch sơnăm hŏk 2021-2022, tơlĕch tơdrong jang sơnăm hŏk 2022-2023. Hop akŏm đei pơgơ̆r kơtă tơ̆ hà Nội păng trư̆k tuyên hăm 64 hơnĭh pơdăh hop akŏm lơ̆m tĕh đak. Sơnăm hŏk 2021-2022, jĭ hơbŭh Covid-19 pơrăm hơlơ̆k dơ̆ng păng roi tơpŏh kơtang, hơnih jang pơtho pơhrăm hlôi tơlĕch trong jang hle, pơgơ̆r pơtho hŏk ‘lơ̆ng hơ iă kơtă hăm trư̆k tuyên, sơđơ̆ng keh đang pơtho pơhrăm lơ̆m sơnăm hŏk. Pơ đĭ hơnih jang pơgơ̆r jơnei ‘măng pơlong lĕch ‘măng khoă jăl pêng 2022 lơ̆m 1 ‘măng sơđơ̆ng ‘lơ̆ng hơ iă. ‘Nau jing sơnăm mă blŭng hŏk tro tŏk bŏk hŏk lăm 12 pơm kiơ̆ apĭnh pơlong lĕch ‘măng khoă jăl pêng kiơ̆ trong trư̆k tuyên lơ̆m kmăi vei lăng pơlong. Tơ̆ hop akom, atŭm lăng hơlen găh pơtôch hlôi iŏk đei jơnei, dôm tơdrong jang tim mă ‘lơ̆ng, dôm trong hơ iă lơ̆m sơnăm hŏk au ki, rim kơdră tang măt hlôi pơma dơnŭh găh 12 trong jang kăl lơ̆m sơnăm hŏk ‘nao 2022-2023 kơnh.

Tơblơ̆ nơ̆r: Amazưt