VOV4.Bahnar - ‘Năr 15/3, Anih vei lăng kon pơ lei dêh char Dak Lak pơ gơ̆r Hop akŏm tơ gop nơ̆r tơ roi tơ băt proh hơ met dêh char Dak Lak sơ năm 2021-2030, lăng truh sơ năm 2050. Kiơ̆ tơ roi tơ băt proh hơ met, dêh char Dak Lak tơ lĕch tơ drong hơ găt hơ tŏk tơ iung mŭk drăm - tơ pôl hrĕnh, kơ jăp, tôm tơ drong kiơ̆ lơ̆m akŏm jên jang vă hơ tŏk tơ iung rim anih jang, tơ drong jang đei tơ mam ‘lơ̆ng, đei yua pơ jei băl.

Jơ hop akŏm

Pơ jing pơ lei tơm Buôn Ma Thuột jĭ anih kơ drơ̆m kơ tơ ring Tây Nguyên hăm 1 hơ nih rơ goh ‘lơ̆ng - ‘nao - hơ gei, anih kơ drơ̆m hơ gei - ‘măng mơ̆t kơ tơ ring Tây Nguyên mơ̆t hơ dai hăm tơ ring păng apŭng plĕnh teh. Tơ drong hơ găt hơ dăh, dêh char Dak Lak hơ drin hơ tŏk tơ iung mŭk drăm hơ drin jang tŏk  GRDP jô̆ păh lăp rim sơ năm đơ̆ng sơ năm 2021-2030 ‘noh 11% 1 sơ năm; Hơ drin kơ sô̆ chih jô̆ mŭk drăm tŏk răh, sơ năm 2030 đei 20%. GRDP jô̆ păh lăp kơ̆l bơ ngai sơ năm 2025 đei 81,2 triệu hlak jên, sơ năm 2030 đei 131 triệu hlak jên.

Thuem: Tơ blơ̆