Tơ̆ Hop akŏm, rim bơngai tang măt hlôi sơkơ̆t hơdăh tơdrong chĕp pơgơ̆r trŏ lăp đơ̆ng Đảng, Kơdră chĕp pơgơ̆r teh đak Hồ Chí Minh, Quân ủy Trung ương, Hơnih tơm Ƀô̆ đô̆i - jing trong kăl hloh iŏk đei jơnei tih tên kơ Khul ƀô̆ đô̆i Quân khu 3; hơlen tơdrong iŏk đei jơnei tơ iung pơjing Quân khu 3 gơh hơgei, kơtoei, pran kơtang, yak năm gơ̆h hơgei hloh; hơnăp jang tơm lơ̆m tơ iung pơjing tơdrong jang đĭ đăng kon pơlei vang vei lăng sơđơ̆ng teh đak. Rim hla bơar tơgop nơ̆r tơ̆ Hop akŏm hlôi sơkơ̆t hơdăh hơnăp jang tôch gĭt kăl kơ khul Quân khu 3 lơ̆m bơ̆ jang pơrô̆ pơrôp, atŏk tơ iung muk drăm-tơpôl, tang găn ‘mi kial pơrăm, dŏng tơgŭm, hơmet pơ ‘lơ̆ng tang găn hơlou; tơlĕch đei trong ‘lơ̆ng lơ̆m chĕp pơgơ̆r, pơrô̆ jang, tơ iung pơjing păng atŏk kơtang jơhngơ̆m pran kơ khul Quân khu; tơmơ̆t jang hloi lơ̆m pơtho pơhrăm joăt joe, tơ iung pơjing “jơhngơ̆m đon kon pơlei lui yom”, tơgăl hăm tơdrong ‘meh vă vei lăng Teh đak kơjăp iăp kơtang lơ̆m chăl hle.