Pơma pơtôch hop akŏm, Phŏ Thủ tướng Phạm Thị Thanh Trà sơkơ̆t hơdah, tơdrong jang gah bơngai sơnăm 'lŏ ling lang đei Đảng, Teh đak tơrĕk truh. Lơ̆m 7 khei kơ sơnăm 2026, tơdrong jang gah bơngai sơnăm 'lŏ đei jơnei lơ̆m lơ tơdrong jang, đơ̆ng keh đang tơchơ̆t jang, pơih să tơdrong pơyua lơ̆m tơpôl, vei lăng jơhngơ̆m jăn, truh hơtŏk sơnong jang păng iŏk yua kơ̆l 'ngok hơgei kơ đe sơnăm 'lŏ.

Đơ̆ng dang ei truh đĭ sơnăm 2026, Phŏ Thủ tướng tơlĕch nơ̆r pơgơ̆r dah keh đang tơchơ̆t tơgŭm pơtrŏ hăm kơsô̆ măt bơngai 'lŏ kră; hơtŏk yua hnam pơgang hơmet jĭ ăn đe kră, hơmet 'lơ̆ng jơhngơ̆m jăn đunh khei năr, vei lăng sơđơ̆ng jơhngơ̆m jăn; hơtŏk tenh chih hô sơ vei lăng jơhngơ̆m điê̆n tưh ăn bơngai sơnăm 'lŏ lơ̆m jơ̆p teh đak păng tơroh hăm dôm hơnih chih akŏm yư lĭu đei tơrĕk.