VOV4.Bahnar - Năr 15/8, Khŭl Atŏk tơ iung oei sa ‘lơ̆ng Hơnĭh mơdro sa Việt Nam tơbăt: Pơgơ̆r Hop akom tĕh đak “Oei sa ‘lơ̆ng hơnĭh mơdro sa” ‘măng mă 2 gô đei pơgơ̆r tơ̆ Hà Nội lơ̆m khei 11 sơnăm au. Hop akŏm sơnăm au đei 3 tơdrong pơgơ̆r tơm ‘nŏh: Hop akŏm hăm hơnăn  “Trong oei sa ‘lơ̆ng-Tơdrong tơm hơmet ming păng atŏk tơ iung mŭk drăm kơ jăp ‘lơ̆ng”; Pơm lêh pôk pơ ư păng pôk ăn hla bơar drơ̆ng nơ̆r Hơnĭh mơdro sa iŏk đei ƀlep  oei sa ‘lơ̆ng Hơnĭh mơdro sa sơnăm 2022; Pơgơ̆r khŭl tang măt hơnih mơdro sa tơ ƀơ̆p kơdră chĕp pơgơ̆r Đảng păng tĕh đak. Nghệ sỹ nhân dân Vũ Ngoạn Hợp, Kơ iĕng kơdră chĕp pơgơ̆r Khŭl atŏk tơ iung oei sa ‘lơ̆ng hơnih mơdro sa Việt Nam tơbăt: Rim tơdrong jang kơ pơgơ̆r hop akŏm gô tơgop atŏk tơ iung oei sa ‘lơ̆ng hơ nĭh mơdro sa, mơdro sa ‘lơ̆ng hơ iă lơ̆m tơpôl hơnĭh mơdro sa Việt Nam lơ̆m tĕh đak păng tĕh đak đe, ƀrư̆ ƀrư̆ pơjing dôm tơdrong kăl ‘lơ̆ng hơ iă kơ uoei sa lơ̆ng hơnĭh mơdro sa Việt Nam, tơgăl hăm tơdrong ‘mĕh vă atŏk tơ iung kơ jăp ‘lơ̆ng păng mơ̆t hơdoi apŭng plĕnh tĕh.

Tơblơ̆ nơ̆r: Amazưt