VOV4.Bahnar - Pơ gê ‘năr 11/8, Thủ tướng teh đak Phạm Minh Chính pơ gơ̆r Hop akŏm Thủ tướng teh đak hăm Anih jang mơ dro sa sơ năm 2022 hăm hơ năn “ Kơ chăng pơm lăp, tơ iung ming hrĕnh păng hơ tŏk tơ iung kơ jăp ‘lơ̆ng”. Hop akŏm đei pơ gơ̆r kiơ̆ trong trực tuyến đơ̆ng anih pơ dăh ti vi kơ Anih bơ̆ jang khŭl kơ dră teh đak hăm Anih vei lăng kon pơ lei 63 dêh char, pơ lei tơm găh Trung ương.

Pơ ma tơ̆ hop akŏm Thủ tướng teh đak Phạm Minh Chính pơ ma hơ dăh, yua kơ 1 tơ pôl mơ dro sa kơ chăng pơm lăp, hơ tŏk tơ iung kơ jăp tơ gop pơ jing 1 Việt Nam pran kơ tang păng hơ nŭk hơ noa, Khŭl kơ dră teh đak, Thủ tướng teh đak ling lang yak hơ dai, vang tơ gŭm, chĭk iŏk tôch ai dôm nơ̆r tơ gop đơ̆ng khŭl grŭp jang, tơ pôl jang mơ dro sa, hơ dai hăm athei tơ pôl mơ dro sa, bơ ngai jang mơ dro sa hơ nơ̆ng vei kơ jăp đon lui, hơ tŏk ‘lơ̆ng jơ hngơ̆m đon tơ goăt tơ goăl, hơ drin kơ dih yak hloh mơ mat tat.

Thuem: Tơ blơ̆