VOV4.Bahnar - Pơ gê ‘năr 29/5, tơ̆ Sơn La pơ gơ̆r Hop akŏm Thủ tướng teh đak pơ ma dơ nuh hăm kon pơ lei jang chŭn mir Việt Nam sơ năm 2022 đei hơ năn "Tưk tơ iung, tơ gŭm kon pơ lei jang chŭn mir; jang kiơ̆ tơ drong jang hơ tŏk tơ iung choh jang sa, tơ ring tơ rang kơ jăp”. Hop akŏm đei pơ gơ̆r kơ tă tơ̆ Sơn La păng trực tuyến hăm 62 hơ nih pơ dăh ti vi lơ̆m teh đak. Lơ̆m noh đei 300 ‘nu kon pơ lei jang chŭn mir hơ gei tang măt ăn kơ 12 triệu ‘nu kon pơ lei jang chŭn mir lơ̆m teh đak vang truh pơ ma dơ nuh.  

Cham să Tây Bắc, pơ lei tơm Sơn La

‘Nâu jĭ hop akŏm gĭt kăl vă tang măt ăn kon pơ lei jang chŭn mir, hơp tak xăh choh jang sa, anih jang mơ dro sa, rim anih jang, kơ dih, bơ ngai jang khoa hŏk bơ̆ jang lơ̆m tơ drong jang choh jang sa, tơ ring tơ rang lơ̆m teh đak kơ tă tơ roi hăm Khŭl kơ dră teh đak, Thủ tướng teh đak găh dôm tơ drong mơ mat tat, tơ hlăk tơ hlĭn lơ̆m tơ drong jang kiơ̆ dôm hơ năp jang găh hơ tŏk tơ iung choh jang sa, kon pơ lei jang chŭn mir, tơ ring tơ rang. Pơ̆ih blŭng ăn tơ drong jang âu, gơ măng ‘năr 28/5 pơ gơ̆r Lêh Festival plei ‘long păng tơ mam OCOP Việt Nam sơ năm 2022 tơ̆ cham xă Tây Bắc, pơ lei tơm Sơn La. 

Thuem: Tơ blơ̆