VOV4.Bahnar - Lơ̆m jơ năr pơ gơ̆r tơ ƀơ̆p băl Gia Lai- Nhật Bản 2022, ‘năr brei, 22/5, Anih jang Ngoại vụ dêh char Gia Lai jang hơ dai hăm Anih pơ vih pơ văn jang tơ bôl păng Hop akŏm apŭng plĕnh teh - FSC (Anih jang Ngoại vụ pơ lei tơm Hồ Chí Minh) păng Anih vei lăng tơ ƀơ̆p băl Việt Nhật pơ gơ̆r hop a kŏm “ Tơ drong ‘lơ̆ng păng tơ drong hiôk tơ mơ̆t jên jang đơ̆ng Gia Lai păng dôm tơ ring kơ teh đak Nhật Bản” tơ̆ pơ lei tơm Pleiku.

Tơ̆ hop akŏm, ƀok Shimizu Akira - Kơ dră tang măt anih jang hơ dai apŭng plĕnh teh tế Nhật Bản (JICA) tơ ƀôh jơ hngơ̆m đon ‘meh vă, Gia Lai hơ nơ̆ng tơ plih ‘lơ̆ng 1,2 tơ drong vă rim anih jang mơ dro sa Nhật Bản sơ đơ̆ng tơ mơ̆t jên jang đunh đai. Ƀok Hồ Phước Thành- Phŏ kơ dră Anih vei lăng kon pơ lei dêh char Gia Lai tơ băt, tơ drong tŭn pran sơng đei lơ jên tơ mơ̆t jên jang hơ tŏk tơ iung choh jang sa, kơ măy kơ mŏk pơm tơ lĕch, kơ măy kơ mŏk ŭnh hơ yuh rơ goh păng tơ mang lăng đei dêh char băt hơ dăh jĭ 1 lơ̆m dôm hơ năp jang tơm lơ̆m jăl jang 2020-2025. Gia Lai ‘meh vă, hơ vơn sơng anih jang mơ dro sa teh đak đe, lơ̆m noh đei anih jang mơ dro sa truh đơ̆ng Nhật Bản tơ mơ̆t jên jang lơ̆m dôm tơ drong jang tơ̆ tơ ring.

Thuem: Tơ blơ̆