VOV4.Bahnar - Hop akŏm pơ ma dơ nuh hăm hơ năn “ Hơ tŏk loi dơ̆ng hơ năp jang khŭl jang tơ pôl bơ̆ jang kiơ̆ vang vei lăng ka hơ dang păng hơ găt găh rôp yâu ka hơ dang glăi (IUU) tơ̆ tơ ring đak dơ sĭ tơ ter jih” yua đơ̆ng Anih jang vei lăng ka hơ dang jang hơ dai hăm Khŭl jang ka Việt Nam păng Anih jang hơ tŏk tơ iung Liên hợp quốc, Anih mong jên Cham char jơ̆p plei teh - Anih jang tơ gŭm dôm tơ drong jang iĕ pơ gơ̆r pơ gê ‘năr (9/6) tơ̆ dêh char Quảng Ngãi. Tơ̆ hop akŏm, dôm bơ ngai vei lăng, khŭl kơ dră tơ ring păng kon pơ lei jang ka vang tơ roi băl tơ drong hôh vao bơ̆ jang kiơ̆ vei lăng ka hơ dang păng jang kiơ̆ tơ drong hơ găt găh rôp yâu ka glăi tơ̆ tơ ring đak dơ sĭ tơ jer jih. Lơ̆m noh, dôm khŭl jang tơ pôl pơm hơ năp jang gĭt kăl lơ̆m vei lăng ka hơ dang tơ klep hăm tơ drong jang tang găn rôp yâu ka glăi. Pơ ma tơ̆ hop akŏm, ƀok Trần Đình Luân, Kơ dră Anih vei lăng ka hơ dang pơ ma hơ dăh, tơ pôl pơm hơ năp jang tôch kơ gĭt kăl lơ̆m tơ drong jang vei lăng tơ mam lơ̆m đak dơ sĭ pơ ma hơ drô̆ păng vei lăng ka hơ dang tơ ring đak dơ sĭ tơ ter jih pơ ma atŭm.

Thuem: Tơ blơ̆