Tang măt ăn Kơdră Đảng, Teh đak kăp gĭt pơjao Hla bar tơchơ̆t đơ̆ng Ƀan Ƀĭ thư tơchơ̆t pôk ƀok Nguyễn Xuân Thắng, jang Kơdră Jơnŭm Pơgơ̆r Pơma xa Trung ương jăl jang 2026 - 2031, Tổng Bí thư Tô Lâm bơnê kơ dôm tơdrong tơgop kăp gĭt đơ̆ng Jơnŭm Pơgơ̆r Pơma xa Trung ương dôm jăl jang hơdrol ki, mă kăl noh lơ̆m tơdrong hơlen chih akŏm keh kong nơ̆r pơma xa kơ Đảng, gah trong jang tŏk kiơ̆ chủ nghĩa xã hội tơ̆ Việt Nam păng tơgop kơtă lơ̆m tơdrong chih akŏm, keh đang dôm hla bar kăp gĭt kơ Đảng, mă hăt noh lơ̆m dôm 'măng Hop akŏm Đảng jơ̆p teh đak, sơkơ̆t jăl trong hơtŏk tơ-iung kơ teh đak lơ̆m đunh khei năr.

Tơrĕk truh sơnong jang lơ̆m khei năr truh, Tổng Bí thư pơgơ̆r hăm Jơnŭm Pơgơ̆r Pơma xa Trung ương kăl pơtoi sơkơ̆t păng hơtŏk sơnong jang dơnơm lơ̆m tơdrong jang pơma xa kơ Đảng, lơ̆m chăl sơnăm hơtŏk tơ-iung 'nao kơ teh đak. Tơdrong jang chih akŏm nơ̆r pơma xa roi kăp gĭt hloh kơlih nơ̆r pơma xa tơgop pơjing đei đon tơchĕng, trong pơm jang ăn kơ Đảng hăm pơkăp trong jang đunh khei năr, pơm jang kiơ̆ rim jăl pơkăp vă hơtŏk tơ-iung teh đak.