Pơma tơ̆ âu, Thủ tướng Phạm Minh Chính bơnê dôm anih tĕch mơdro hơnơ̆ng yak hơdoi hăm teh đak, kon pơlei ƀât oei tơƀâp lơ tơdrong hiong răm đơ̆ng ‘mi kial hơbŭt, đak lip.

Pơma hơdăh sơnăm 2025 jĭ sơnăm mă hơtuch kơjăl jang, kŭm jing sơnăm đei lơ tơdrong tơplih tih đơ̆ng teh đak, đơ̆ng hơdrĕch hơdrung mư̆h bơ̆ jang tơdrong jang kăch mang hơmet ming, kăt tơjur khul bơngai jang ăn teh đak; chĕng hơmet tơring teh tơ̆ dêh char păng bơ̆ jang kiơ̆ trong jang khul kơdră pơgơ̆r tơring 2 tăl, tơplih ming trong jang vei lăng trăp trĭn pơmat tat jing pơjing tơdrong ‘lơ̆ng vă jang tŏk păng kơchăng pơvih pơvăn ăn kon pơlei, anih tĕch mơdro… Thủ tướng hơpơi ‘mĕh tơpôl bơngai tĕch mơdro vang pơjing jơhngâm pran ‘nao vă jang tŏk, tơgop kŭm hăm teh đak yak mât lơ̆m chăl ‘nao jang tŏk pơdrŏng, gơ̆h hơgei, hơnŭk hơnoa.