VOV4.Bahnar - Đơ̆ng năr 15-17/2, tơ̆ Hnam trương Kao đăng cộng đồng Đăk Nông, Tổng công ty Tân Cảng Sài Gòn hlôi pơgơ̆r Hop akŏm tơbăt pơrô̆ pơrôp găh đak dơsĭ achon dơsĭ 2022.

Tổng công ty Tân Cảng Sài Gòn pơjao hnam ‘mêm mơnat tơ̆ Dak Nông

Tơ̆ jơ tơbăt, rim đe ŏh hŏk tro, sinh viên Hnam trương Cao đẳng Cộng đồng Đăk Nông đei kang ƀô̆ kơ Hải đoàn 29, Tổng công ty Tân Cảng Sài Gòn pơtho tơbăt găh dôm tơdrong kăl găh hơnĭh, hơnăp jang, tơdrong kăl kơ đak dơsĭ, achon dơsĭ Việt Nam; trong bơ̆ jang kơ Đảng, Tĕh đak bơ̆n lơ̆m xek tơlang rim tơdrong tơ̆ biển Đông; hơnăp jang kơ Ƀô̆ đô̆i đak dơsĭ VN lơ̆m vei lăng năng tông đak dơsĭ, achon đak dơsĭ adoi hơvơn khŭl jang tơ iung pơjing Ƀô̆ đô̆i đak dơsĭ gơ̆h hơgei, pran kơtang, nuih mơng lơ̆m chăl hle. Ƀlep lơ̆m jơ ‘năr au,  Tổng Công ty Tân Cảng Sài Gòn pôk ăn 3 hnam ‘mêm mơnat kơ jă kơ jên 240 trĭu hlak jên atŭm hăm 60 tơnô̆ tơmam drăm ăn rim ŭnh hnam tơnap tap hơdrin jang sa vă yak hlŏh dơnŭh hin.

Tơblơ̆ nơ̆r: Amazưt