VOV4.Bahnar - Pơgê năr 14/10, tơ̆ Hơnĭh bơ̆ jang Trung ương Đảng,Tổng Bí thư Nguyễn Phú Trọng pơm tơm păng iung pơma pơrô̆ tơ̆ Hop akom tơlĕch jang kiơ̆ Tơdrong tơchơ̆t đơ̆ng Dơnŏ anĭh tơm Chĭnh trĭ găh atŏk tơ iung tơring Tây Nguyên trŭh sơnăm 2030, lăng trŭh sơnăm 2045.

Rup hop akŏm

Tơring Tây Nguyên đei 5 dêh char ‘nŏh: Kon Tum, Gia Lai, Dak Lăk, Dak Nông păng Lâm Đồng đei băt trŭh nhen mĭnh tơring hơ ‘mon, jing tơring vang erĭh sa kơ vă jê̆ 6 trĭu ‘nu bơngai găh pơ đĭ hơdrĕch hơdrung ‘nŏh ŏh lơ̆m tĕh đak. Iung pơma pơrô̆ tơ̆ Hop akŏm, Tổng Bí thư Nguyễn Phú Trọng pơma hơdăh: Tơring Tây Nguyên ‘nŏh jing tơdrong tôch gĭt kăl găh mŭk drăm, tơpôl, cham char bri brăh, vei lăng sơlam tĕh đak-sơđơ̆ng păng jang tơbôl kơ pơ đĭ lơ̆m tĕh đak. Atŏk tơ iung Tây Nguyên tĕnh koăng, kơ jăp ‘lơ̆ng ‘nŏh jing trong jang tĭh tên đơ̆ng Đảng, Tĕh đak păng jing tơdrong jang kăl hlŏh kơ lơ̆m tĕh đak. Tơ iung pơjing păng atŏk tơ iung tơring Tây Nguyên kăl akŏm jang ‘lơ̆ng pơđĭ atŏk tơ iung mŭk drăm,oei sa tơpôl, vei lăng cham char bri brăh, tơgoăt kơ jăp hăm sơđơ̆ng vei lăng sơlam tĕh đak-sơđơ̆ng tơring păng atŏk kơtang bơ̆ jang tơbôl. Iŏk tơdrong atok tơ iung mŭk drăm, oei sa jŏh ayŏ, tơpôl pơm hơyak kăl ăn tơdrong vei kơ jăp iăp kơtang sơđơ̆ng sơlam tĕh đak, sơđơ̆ng tơring, sơđơ̆ng chĭnh trĭ-tơpôl.

VOV/Amazưt tơblơ̆