Pơma pơgơ̆r pơih blŭng hop akŏm, Thủ tướng pơma hơdăh, tơdrong jang tang găn ma tuý ling lang đei Đảng, Teh đak bơngơ̆t truh; athei pơjing păng tơlĕch ăn lơ tơdrong jang gĭt kăl, iŏk đei jơnei gĭt kăl, ‘lơ̆ng.

Thủ tướng athei dôm bơngai tang măt akŏm pơma dơnuh tơblang hơdăh hơlen lăng tơdrong, yua đơ̆ng kiơ pơm ăn vă tang găn đei yua đơ̆ng hrôih, đơ̆ng hơtăih, mă loi ‘noh lơ̆m hơdruh tơdăm păih iung tơ̆ rim tơring tơm găh ma tuý. Dôm trong jang vă chă rôp dôm kơloăi pơm glăi ma tuý. Hơtŏk ‘lơ̆ng đei yua hơmet dư, vei lăng bơngai dư, trong jang vă tơpôl, ŭnh hnam tơgŭm bơngai dư oei hơdai dơ̆ng hăm tơpôl.