VOV4.Bahnar - Tơ băt 110 sơ năm Năr rơ nĕh ƀok Nguyễn Văn Cừ, (09/07/1912-09/07/2022) kơ sơ̆ 8/7, tơ̆ Bắc Ninh, Hnam hŏk Chinh trĭ Quốc gia Hồ Chí Minh jang hơ doi hăm Ban Tuyên giáo Trung ương păng Anih jang đảng dêh char Bắc Ninh pơ gơ̆r hop akŏm Khoa hŏk “Tổng Bí thư Nguyễn Văn Cừ - Kơ dră chĕp kơ̆l rơ gei kơ Đảng păng kăch mang Việt Nam, bơ ngai kon gơ̆h hơ gei kơ pơ lei Bắc Ninh”.

Ƀok Nguyễn Văn Cừ rơ nĕh lơ̆m 1 unh hnam pơ nam hŏk, tơ nuh hin, hŏk tôch rơ gei tơ̆ xăh Phù Khê, apŭng Từ Sơn, dêh char Bắc Ninh, hrei ‘nâu găh thĭ xăh Từ Sơn, dêh char Bắc Ninh. Đĭ jơ hnơr jang kăch mang đơ̆ng ƀok ‘nŏh jĭ tơ drong ‘lơ̆ng hơ iă găh jơ hngâm đon đơ̆ng bơ ngai cộng sản, jing Tổng Bí thư khei 3/1938. Hăm 29 sơ năm arih, hlŏh 13 sơ năm vang jang kăch mang, 7 sơ năm đei rôp kron lơ̆m hnam phak kơ ayăt, hlŏh 2 sơ năm pơm Tổng Bí thư kơ Đảng, Tổng Bí thư Nguyễn Văn Cừ đei lơ tơ drong plang tih tên ăn tơ drong jang kăch mang kơ Đảng păng hơ drĕch hơ drung bơ̆n.

Dơ̆ng: Tơ blơ̆