VOV4.Bahnar - Pơ gê ‘năr 28/04, tơ̆ Hà Nội, Anih pơ gơ̆r jang tơ drong jang “ Pơ tôch 10 sơ năm jang kiơ̆ tơ drong tơ chơ̆t Trung ương 8 jăl 11 găh tơ drong jang vei lăng teh đak lơ̆m tơ drong ‘nao pơ gơ̆r Hop akŏm vei kơ jăp păng tơ lĕch jang pơ tôch 10 sơ năm jang kiơ̆ tơ drong tơ chơ̆t Trung ương 8 jăl 11 găh tơ drong jang vei lăng teh đak lơ̆m tơ drong ‘nao. Kơ dră teh đak Nguyễn Xuân Phúc, Kơ dră anih pơ gơ̆r jang pơ gơ̆r hop akŏm. Pơ ma pơ tôch Hop akŏm, Kơ dră teh đak Nguyễn Xuân Phúc tơ roi rơ đăh: Tơ drong tơ chơ̆t Trung ương 8 jăl 11 găh tơ drong jang vei lăng teh đak lơ̆m tơ drong ‘nao jĭ 1 tơ drong tơ chơ̆t tih kơ hơ drĕch hơ drŭng, teh đak.

Kơ dră teh đak Nguyễn Xuân Phúc pơ ma hơ dăh: Tơ chơ̆t Trung ương 8, jăl 11 đei tơ lĕch kiơ̆ lơ̆m jơ nei hlôh vao, lý luận păng yan âu đơ̆ng vă jê̆ 30 sơ năm tơ plih ‘nao teh đak, hlôi jang kiơ̆ pơ tăl 10 sơ năm bơ̆ jang kiơ̆ tơ drong tơ chơ̆t Trung ương 8, jăl 9 găh tơ drong jang vei lăng teh đak lơ̆m tơ drong ‘nao. Tơ drong tơ chơ̆t âu đei hơ năp jang gĭt kăl tơ ƀôh trong yak đon tơ chĕng ‘nao, ‘lơ̆ng găh tơ drong chĕp kơ̆l đơ̆ng đảng hăm hơ năp jang vei lăng teh đak lơ̆m tơ drong ‘nao.

Thuem: Tơ blơ̆