Kiơ̆ Jơnŭm jang Kaphê Buôn Ma Thuột – hơnih pơgơ̆r, sơnăm ou tơdrong pơlong hơvơn đei 82 hơnih jang hăm 185 kơluăi kaphê pơtruh pơlong. Kơsô̆ kaphê akŏm pơlong đei truh 348 tơ̆n, tŏk 42% pơtêng hăm sơnăm 2025. 'Nou jĭ tơdrong hơ-iă, ăn ƀôh tơdrong asong kaphê 'lơ̆ng kăp gĭt kơ Việt Nam ưh kơsĭ iĕ ioch ôh mă oei pơkăp tĕch ăn dôm tơring tih hăm pơkăp kơhret.

Minh tơdrong 'nao athei lăng truh noh tơdrong hơtŏk kơtang kơ dôm tơring gah trong jang 'nao, gơh hơgei, pơjing đei kaphê 'lơ̆ng pha kơdih, hơtŏk 'lơ̆ng kơjă tơmam drăm pơm đei. Atŭm hăm noh, tơdrong pơlong sơnăm ou oei đei dôm tơring 'nao pơtăm vang akŏm pơlong, atŭm hăm dôm tơring pơtăm so, ăn ƀôh tơdrong pơih să cham char hơtŏk tơ-iung kaphê 'lơ̆ng kăp gĭt Việt Nam.