Đơ̆ng blŭng sơnăm truh dang ei, tơring hlôi sơng hơvơn đei hloh 41.700 ‘nu tơmoi, lơ̆m ou đei hloh 2.100 ‘nu tơmoi teh đak đe păng trong tơlĕch ăn lơ̆m sơnăm sơng đei 173.000 ‘nu tơmoi. Hơyak tŏk đei vei kơjăp sơđơ̆ng mưh khul tơmoi tơmang pơhiơ̆ mnăm truh tơ̆ ou hlôi tŏk đơ̆ng 40.000 ‘nu ƀơ̆t sơnăm 2022, tŏk truh 155.000 ‘nu lơ̆m sơnăm 2025. Tơdrong rơvơn ‘noh cham char rơgoh ‘lơ̆ng, tơmang lăng ‘lơ̆ng rŏ atŭm hăm dôm tơdrong oei sa joăt joe ‘lơ̆ng liĕm tơgŭm ăn Phú Quý hơvơn đei lơ tơmoi truh, hăm lơ trong pơgơ̆r tơmang pơhiơ̆ đak dơsĭ, pơlei pơla, tơdrong pơm ngôi tơ̆ đak dơsĭ. ‘Ngoăih kơ ‘noh, tơring tŏk bŏk akŏm hơmet pơ ‘lơ̆ng trong nơnăm, gre chơ, hnam tep pơdơ̆h păng đak hmă, adoi chă tơchĕng hơlen trong vă jang pơih trong gre păr vă sơđơ̆ng ‘lơ̆ng hơ iă ăn tơdrong tơmang pơhiơ̆ lơ̆m jơ ‘năr ưh sơđơ̆ng, lăng truh atŏk tơ iung kơjăp ‘lơ̆ng.