Tơ̆ hop akŏm, rim nơ̆r tơgop athei tơdrong jang pơting dih băl akŏm jang kiơ̆ jơnei tơdrong jang atŏk tơ iung mŭk drăm-tơpôl rim sơnăm păng Trong pơprŏ jang 5 sơnăm (2026 - 2030) kiơ̆ tơdrong tơchơ̆t Hop akŏm tih kơdră tang măt lơ̆m teh đak ‘măng mă XIV kơ Đảng, tơdrong jang kơ Kuô̆k hô̆i, Khul kơdră chĕp pơgơ̆r teh đak; Pơting dih băl jang keh đang, keh đang hloh nơ̆r tơlĕch ăn rim tơdrong jang atŏk tơ iung trong hnam, mŭk drăm tơring, mŭk drăm đak dơsĭ ... Kiơ̆ kơ ‘noh, rim trong tơlĕch ăn pơting dih băl truh sơnăm 2030 đei: Tŏk akŏp tơmam drăm lơ̆m teh đak jô̆ hơtŏ jăl jang 2026 - 2030 đơ̆ng 10% năm tơ̆ lơ; GDP jô̆ hơtŏ măt bơngai truh sơnăm 2030 iŏk đei 8.500 USD. Pơma pơtôch hop akŏm, Thủ tướng Lê Minh Hưng drơ̆ng lăp hăm nơ̆r tơgop păng akhan, tơdrong tơlĕch jang pơting dih băl kăl tơklep kơjăp hăm trong chĕp pơgơ̆r, pơrô̆ jang, trong tơlĕch jang kơ Tơdrong tơchơ̆t Hop akŏm tih kơ Đảng lơ̆m teh đak ‘măng mă XIV tơlech ăn, ‘noh jĭ iŏk đei tŏk mŭk drăm ƀar kơsô̆, mă lei kăl kơjăp ‘lơ̆ng păng tơklep hăm pơm hơtŏk tơdrong hơrih sa sơđơ̆ng kơ kon pơlei; bơ̆ jang pôk bơnê kăl ƀlep, kăl kiăp păng tơtom. Thủ tướng Teh đak athei đĭ đăng rim hơnih jang, rim kâp kăl kơrŭn đĭ ai, iung jang keh đang kơtang trong tơlĕch jang; kăl iŏk tơdrong jang jơnei pơm ‘long pơtŏ.