Phŏ Thủ tướng bơnê kơ Hơnih tơm Kon kông păng Tơdrong lui hlôi đei lơ tơdrong hơdrin lơ̆m pơm jang dôm sơnong đei pơjao, mă hăt noh đơ̆ng rŏng kơ pơkăp hơnih jang hơdai. Gah minh ƀar tơdrong kăl tơrĕk lơ̆m khei năr truh, Phŏ Thủ tướng Hồ Quốc Dũng athei dah keh đang pơkăp khôi luơ̆t, lơ̆m noh keh đang tơchơ̆t tơgŭm hăm hŏk tro, sinh viên kon kông, hơlen chih akŏm asong tơdrong jang, hơtŏk tơdrong tơroh pơm jang ăn kon pơlei kon kông vă hơtŏk tơ-iung lơ̆m tơdrong hơrih ăn kon pơlei.

Phŏ Thủ tướng adoi pơgơ̆r hăm Hơnih tơm Kon kông păng Tơdrong lui khŏm mă pơm kiơ̆ pơkăp kăt tơjur, pơm ƀônh hla bar hanh chinh hơdrol kơ năr 20/4; pơtoi hơlen pơkăp sơnong pơgơ̆r ah mă jang kiơ̆ pơkăp jơnŭm tơring 2 jăl. Hăm tơchơ̆t jang kơ teh đak gah bơngai kon kông athei hơlen lăng, vei sơđơ̆ng asong jên pơm jang đei jơnei tơnăp hloh.