Kơdră Bùi Thị Minh Hoài ăn tơbăt, đơ̆ng blŭng sơnăm 2026, tơdrong jang tơbôl Việt Nam - Campuchia pơtoi hơtŏk 'lơ̆ng, hăm lơ 'măng năm tơmang păng pơma đam kơpal, mă kăl noh đơ̆ng đe kơdră 2 Đảng păng 3 teh đak Việt Nam - Campuchia - Lào, tơgop hơtŏk đon lui gah chinh trĭ, hơtŏk trong jang hơdoi.

Lơ̆m pơma đam, 2 pah drơ̆ng nơ̆r pơtoi hơtŏk kơtang jang hơdoi, hơpeh hơpong kon pơlei, mă kăl noh hăm đe hơdruh tơdăm, drăkăn, bơngai hŏk kơjung; hơtŏk jang hơdoi tơ̆ tơring sơlam; jang hơdoi pơgơ̆r Hop akŏm apŭng plenh teh pơjing trong sơlam rơngei hiôk hian, jang hơdoi atŭm hơtŏk tơ-iung 'măng mă 7 tơ̆ Campuchia sơnăm 2026, pơkăp truh tơbăt 60 sơnăm iung jang tơbôl kơ 2 teh đak, atŭm hăm noh pơm trong hiôk ăn kon pơlei Việt tơ̆ Campuchia sơđơ̆ng tơdrong hơrih.