Khŭl hơlen lăng tơdrong vei kơjăp, tơlĕch jang tơdrong Tơchơ̆t Hop akŏm XIV păng Tơchơ̆t kơsô̆ 01 đei bơ̆jang kiơ̆ tơpăt, hrơ̆ch, hăm 100% khŭl jang Đảng, kang ƀô̆, đảng viên vang hŏk pơhrăm; tơdrong jang roi tơbăt đei tơlĕch jang lơ, tơklep hăm hŏk hôp chi bộ, tơdrong jang.

Pơma tơ̆ hop akŏm, Thủ tướng Phạm Minh Chính, Bí thư Đảng ủy Khŭl kơdră teh đak, pơma hơdăh hlôi jang kiơ̆ athei đơ̆ng Anih tơm Chĭnh trĭ, Ban Bí thư, tơlĕch ăn dôm hla ar kăl vă tơlĕch jang kiơ̆ Tơdrong tơchơ̆t. Kiơ̆ lơ̆m pơtôch hơlen lăng, Thủ tướng athei hơnơ̆ng tơchĕng hơlen jang pơkeh khŭl jang kơ Khŭl kơdră teh đak trŏ lăp hăm tơdrong ‘nao; hơdai hăm proh hơmet mă lăp dôm anih jang tơgŭm, tơgŭm tơdrong jang vă hơtŏk ‘lơ̆ng đei yua, jơnei vei lăng, pơgơ̆r.