Tơroi ah tơdrong hop akŏm ăn ƀôh, tơdrong tơbôl chinh trĭ kơ 2 teh đak pơtoi đei hơtŏk; rim tơdrong tơchơ̆t kơpal đei tơlĕch jang tơnăp, lơ̆m kơplah jang hơdoi gah khŭl linh, vei sơđơ̆ng tơpôl pơtoi jing tơdrong jang kăp gĭt. Rim hơnih jang tơm, hơnih jang tơ̆ tơring, păng rim tơring păng hơnih jang mŭk drăm kơ 2 teh đak hlôi pơma đam lơ tơdrong jang vă hơtŏk đei jơnei jang hơdoi jăl sơnăm 2026 – 2035.

Phŏ Thủ tướng teh đak bơ̆n pơgơ̆r hăm rim hơnih jang tơrĕk hơtŏk pơm kiơ̆ dôm tơchơ̆t, jang hơdoi hlôi đei kĭ; tenh kuăng hơlen, chih tơbang dôm tơdrong asong jang tih đơ̆ng hơnih jang mŭk drăm Việt Nam tơ̆ Lào lơ̆m tơdrong jang sir tơmo kăp gĭt, choh jang xa păng pơtăm 'long kŏng ngĭp. Atŭm hăm noh, hơtŏk tenh dôm tơdrong ming man kăl nhen trong kơdou hrĕnh Hà Nội – Vientiane păng jăl trong gre treng Vũng Áng – Vientiane.