Vang truh pơtâp pơhrăm đei vă jê̆ 60 ‘nu bơngai ‘nŏh jĭ bơngai chih tơdrong kơtơ̆ng ang, bơngai chih hơmet, bơngai jang ki thuơ̆t lơ̆m Radio nơ̆r pơma VN păng dôm anih chih hla ar tơroi oei bơ̆ jang tơ̆ Đắk Lắk, tơring Tây Nguyên.

Dôm bơngai kiơ̆ hŏk đei mơ̆ng, hŏk iŏk lơ tơdrong kăl nhen: Đon tơchĕng vă pơm podcast păng bơngai răp mơ̆ng podcast; tơlĕch trong chih podcast; chih pơih blŭng, intro, outro; hơnăp jang đơ̆ng bơngai pơre roi tơƀôh; iŏk yoa nhak, nơ̆r bơngai đei hyup iŏk păng jơva dôm tơdrong tơ̆ anih truh mưh chih podcast; chă rơih format lăp hăm rim ƀai chih tơroi. Jô̆ truh dang ei, lăm pơtâp pơhrăm tơ̆ Tây Nguyên jĭ lăm mă 5 đei pơgơ̆r. Kiơ̆ đơ̆ng noh, đei vă jê̆ 300 ‘nu bơngai chih tơdrong kơtơ̆ng ang, bơngai chih hơmet, bơngai jang ki thuơ̆t, ki sư vang truh hŏk găh tơdrong chih tơroi podcast.