‘Nâu jĭ tơdrong jang yoa Anih tang măt ăn tĕh đak Campuchia tơ̆ plt Hồ Chí Minh păng Dơ nŏ anih vei lăng kon pơlei plt Cần Thơ pơgơ̆r vă dôm anih tĕch mơdro kơ Campuchia păng Anih tĕch mơdro tơ̆ tơring tĕh glă Cửu Long pơma atŭm, plt Cần Thơ pơma adrô̆ tơƀâp, pơma nuh, chă hơlen năng, tơlĕch trong tơmât jên jang, vang tơgop pơm hơtŏk tơdrong pơvei, jang hơdoi mŭk drăm, tĕch mơdro đơ̆ng 2 păh. 

Tơ̆ hop akŏm, dôm bơngai juăt tơblang, bơngai tĕch mơdro đơ̆ng Campuchia pơma tơƀôh dôm tơdrong ‘lơ̆ng, trong tơmât jên jang păng tĕch mơdro tơ̆ Campuchia, kŭm nhen 1,2 tơdrong tơgŭm vă sơng iŏk jên tơmât jang păng atŏk tơiung anih tĕch mơdro đơ̆ng 2 tĕh đak nhen: hơtŏk tơdrong jang xa tĕch mơdro păng tơmât jên jang; 2 păh athei hơlen năng tơ̆ hơnăp kơnh jăh kĭ pơkăp pơih trong gre păr đơ̆ng Campuchia – plt Cần Thơ... Kiơ̆ nơ̆r tơroi, đơ̆ng blŭng sơnăm truh dang ei, jên tĕch mơdro tơmam đơ̆ng plt Cần Thơ năm tơ̆ tĕh đak Campuchia đei hlŏh 37 triu USD.