Ƀok pơtruh nơ̆r hăm rim Hơnih jang tơm, rim tơring băt hơdah "3 tơdrong jang tih", trŏ ƀlep hăm tơdrong joh ayŏ xah hô̆i chu nghia Việt Nam lơ̆m jăl jang 'nao. 'Noh jing: tơplih đơ̆ng tơchĕng lăng joh ayŏ jĭ minh tơdrong vă hơtŏk tơ-iung jing chih akŏm joh ayŏ jĭ tơdrong tơm kơ tơpôl; tơplih đơ̆ng cham char joh ayŏ juăt jue jing tơdrong hơtŏk joh ayŏ lơ̆m tơdrong hơrih păng kơmăi kơsô̆; tơplih đơ̆ng tơdrong vei răk tơƀăk mong mă tơm jing tơdrong jang tơguăt kơjăp đơ̆ng vei răk păng tơchăr hơgei.

Tổng Bí thư, Kơdră teh đak ră hơdah: Hơtŏk kơtang pơjing tơdrong pơgơ̆r joh ayŏ lơ̆m kơmăi kơsô̆ vă hơtŏk tơdrong 'lơ̆ng, kĕ pơlan să păng vei răk dôm tơdrong 'lơ̆ng joh ayŏ Việt Nam. Lơ̆m tơdrong jang kơmăi kơsô̆, tơdrong hrơ hrau, hơtŏk joh ayŏ jĭ tơdrong kăl hloh, pơm trong hiôk vă Việt Nam akŏm tơdrong 'lơ̆ng joh ayŏ kơ kon bơngai, mă lei atŭm hăm noh adoi tơlĕch tơdrong kăl hơtŏk pơgơ̆r kơdih, kĕ sơkơ̆t pơm jang păng vei kơjăp tơdrong joh ayŏ kon pơlei.