VOV4.Bahnar – Dôm dêh char Tây Nguyên đei hloh 2.000 dơnâu đak hăm hơgăt xă truh dôm j^trơbâu ha. Tơdrong yua dôm dơnâu đak ăn rong ka hơdang păng dôm tơdrong jang nai, dơnâu đak nai to\k bo\k tơhlăk tơhl^n ăh io\k yua dôm tơdrong pơkăp đơ\ng Lươ\t dơnâu đak 2017, Tơchơ\t 67 păng Tơchơ\t 96 xơnăm 2018. Kơ rơbâu ha dơnâu đak le# huach kơlih ưh gơh ăn thuê vă rong ka hơdang.

{ok Nguyễn Trọng Nhi vei lăng dơnâu đak Vạn Xuân xă pơhlom 5ha tơ\ tơring 9, th^ tra#n Đăk Mil, apu\ng Đăk Mil, dêh char Đăk Nông truh dang ei hlôi đei 20 xơnăm. {ok erih xa gơnơm lơ\m tơdrong rong ka tơ\ âu. Mă lei đơ\ng xơnăm 2018 truh dang ei anih jang pơnơ\ đak Đăk Nông tơroi pă đei k^ pơkăp ăn thuê dơnâu đak kơlih tơhlăk dôm tơchơ\t đơ\ng Luơ\t pơnơ\ đak, tơdrong axong jang kơ [ok Nhi [ơm tơhlăk. Tơdrong vei lăng, io\k yua dơnâu đak duh pơtơm đei đơ\ng dôm tơdrong tơgar, lơ bơngai truh rôp ka mă lei [ok ưh ke\ găn kơlih ưh đei pơkăp đơ\ng khôi luơ\t. Tơdrong đei [ôh pơdui truh dang ei 4 xơnăm bơih, [ok Nhi pơtruh nơ\r Khul Kơpal teh đak dăh hrôih đei trong xek tơlang dôm tơhlăk tơhl^n vă [ok xơđơ\ng axong pơm jang: “Pơtruh đơ\ng đunh bơih mă lei tơhlăk găh Lươ\t. K^ ăn kơ inh pơm jang, inh pơtơm kh^n axong jang, oei dang ei mă tơm noh vei lăng dơnâu đak, vei lăng đak mong hnam kơmăi unh hơyuh đe\ch mă ưh kơ kh^n axong jang. Ưh k^ pơkăp pơm jang noh [ônh đei tơdrong tơgar, hơdăh khôi luơ\t noh inh pơtơm kh^n axong jang tih hă”

          {ok Bùi Phong Danh, Pho\ Kơdră anih jang tơ\ apu\ng Đăk Mil – Anih io\k jang pơnơ\ đak dêh char Đăk Nông ăn tơbăt, ja#p apu\ng đei 43 dơnâu mong đak pơhlom 22 tr^u met kho#i, dơnâu đak xă hloh 300ha.

Tôm dơnâu đak dang ei adoi ưh đei k^ pơkăp ăn thuê hăm kon pơlei kơlih tơhlăk găh Lươ\t pơnơ\ đak 2017 păng Tơchơ\t 67 xơnăm 2018. Kiơ\ [ok Danh, tơhlăk tơ\ âu noh pơkăp găh xơnong yua teh lơ\m hla bar chih pơtruh ăn anih jang kơpal hơlen pơkăp pơm jang. Lơ\m kơplăh tôm dơnâu mong đak dang ei adoi tam mă đei axong hla bar yua teh ăn Anih io\k pơgơ\r jang: “Xơnăm 2017 dêh char đei minh kơjă pơkăp ăn thuê dơnâu đak noh 250 hlj 1 m2 1 xơnăm. Tơring noh duh đei lơ bơngai ‘meh thuê, mă lei tơhlăk noh đơ\ng ro\ng Lươ\t Pơnơ\ đak, Tơchơ\t 67, athei rong ka hơdang noh gơh axong ăn ‘mơ\i. Mă ‘meh đei io\k hla bar axong jang noh athei đei hla bar teh, mă lei hla bar teh noh dêh char tam mă pơjao ăn anih jang noh anih jang ưh đei xơnong tơm ôh”

            {ok Lê Viết Thuận, Kơdră Anih io\k jang pơnơ\ đak dêh char Đăk Nông ăn tơbăt, tôm 250 pơnơ\r dơnâu đak lơ\m tơring kơ dêh char adoi tam mă đei axong hla bar pơkăp yua teh. Tơdrong huach hơgăt dơnâu đak lơ\m tơring noh tih tên, mă lei anih jang ưh gơh jang pha, kơlih ăn thuê jang noh glăi hăm tơchơ\t. Dôm tơdrong tơhlăk, tơdrong huach âu oei pơdui đunh truh tơdrong axong hla bar pơkăp yua teh ăn dôm anih io\k jang găh pơnơ\ đak, dơnâu đak minh păh noh tơnap tap, minh păh noh ưh đei măh jên jang. Đơ\ng xơnăm 2018 truh dang ei, anih jang pơtơm axong jên chă pơkă [u\ jrăng ăh jih tơring xơđơ\ng ăn pơhlom 10 dơnâu đak vă je# đei io\k hla bar pơkăp yua teh, đei tam mă truh 5%: “Vă jang đei minh tơdrong mă anih kơpal axong pơjao teh, [u\ jrăng noh athei pơtơm đơ\ng pơkă, truh apinh axong jang, apinh jên jang ưh kơx^ athei pơjao noh đei axong ăn hloi ôh. Lơ\m kơplăh dôm kơso# pơkăp âu xơ\ noh đei hru\ ‘mong ưh kơ đei hơdăh nhen dang ei. Xơ\ mă lơ noh đei tơdrong kăl kiơ ako\m ho\k hôp kon pơlei, mă hăt noh hăm bơngai mă đei teh plang axong, đei lơ unh hnam tam mă đei hơmet hơgăt teh. Tơdrong mă âu duh ưh đei tơpu\ ăn kơ bu ôh, kơlih đơ\ng xơ\ truh dang ei hăp oei đei”

               {ok Nguyễn Công Hạnh, Pho\ Kơdră Anih io\k jang pơnơ\ đak dêh char Đăk Lăk ăn tơbăt, Anih vei lăng kon pơlei dêh char hlôi drơ\ng nơ\r pơkăp jang vă anih jang tơdăng đei pơkăp ăn thuê jang ăh tam mă đei axong hla bar pơkăp yua teh. Mă lei kiơ\ Tơchơ\t 96 xơnăm 2018 pơkăp hơdăh găh kơjă tơmam drăm, pơnơ\ đak păng tơgu\m jên yua tơmam drăm, pơnơ\ đak noh kăl hơlen dôm anih jang đei tơre\k k^ pơkăp. Anih vei lăng kon pơlei dêh char Đăk Lăk hlôi pơtruh 2 xơnăm kơ âu mă lei duh tam mă đei hơlen lăng.

Dôm tơdrong ăn thuê dơnâu đak tơ\ 246 dơnâu hăm pơhlom 2.000ha anih vei lăng duh ưh gơh pơm jang, răm hăm jên mong teh đak păng hăm tơdrong jang rong ka hơdang truh kơ hre\ng tih hlj rim xơnăm: “Anih jang hlôi chih ako\m kơjă pơtruh ăn Anih vei lăng kon pơlei dêh char păng Anih vei lăng kon pơlei dêh char hlôi đei hla bar pơtruh ăn Anih tơm Choh jang xa păng Hơto\k tơring pơxe\l, Anih tơm Jên Hu mă lei truh dang ei duh tam mă đei k^ pơkăp. Noh jing tơnap tap tih hloh vă pơm jang, kơlih ưh đei trong pơkăp kơjă noh ưh gơh k^ pơkăp pơm jang. Thoi noh huach lơ găh mu\k drăm. Mă [ar, ăh mă ưh đei axong hla bar pơm jang noh đei tơdrong kon pơlei tơgar dih băl, pơm tơxu\l tơxa\l tơpôl lơ\m tơring”

 Vă pơklaih tơhlăk tơhl^n ăn dôm tơring, pơm trong hiôk pơm jang, io\k yua đei jơnei dơnâu đak ăn tơdrong rong ka hơdang pơma adro#, dôm tơmam drăm găh pơnơ\ đak pơma atu\m, kăl athei đei tơdrong vang jang đơ\ng dôm anih jang tơm tơ\ trung ương.

Lan chih păng pơre nơ\r