Jô̆ đơ̆ng ‘năr 15 truh ‘năr 18/8, dôm xăh Krông Pắc, Cư Mgar, Krông Năng păng ‘Măng kơchơ Online tơ̆ Hơnih pơdă tơmam Jơnŭm kơchơ tĕch tơmam sầu riêng dêh char Đắk Lắk hlôi pơgơ̆r 8 ‘măng livestream tĕch tơmam. Dôm ‘măng livestream sơng đei hloh 2 triệu ‘nu bơngai lăng. 

Lơ̆m noh, dôm 'măng livestream tĕch sầu riêng tơ̆ xăh Krông Năng đei yoa lơ hlŏh, ƀơ̆t chih iŏk đei hlŏh 5.000 hla ar tĕch tơmam, tĕch đei dang 24 tân sầu riêng, iŏk đei dang 2,4 ti hlak jên.

Hơdai hăm tĕch sầu riêng trực tuyến, dôm 'măng livestream oei roi tơƀôh 21 kơloăi tơmam OCOP đơ̆ng dôm anih tĕch mơdro, hơp tak xăh păng unh hnam jang tĕch mơdro tơ̆ tơring.

Vang truh hăm dôm 'măng livestream ưh lăp đei KOL (bơngai đei ư hơnhang), KOC (bơngai răt yoa đei ư hơnhang) juăt jang đĕch mă oei đei kăn ƀô̆, bơngai jang kơ teh đak, đoàn viên druh dăm, anih tĕch mơdro păng dôm bơngai băt hơdăh tơmam tơ̆ tơring hai.

Tơdrong jang “minh xăh 1 KOL, KOC tĕch sầu riêng online” pơm tơdrong hơiă ‘nao lơ̆m pơtrŭt tĕch mơdro tơ̆ lêh Sầu riêng Đắk Lắk sơnăm 2026, hơdai hăm pơih să tơdrong hiôk hơnhăk sầu riêng Đắk Lắk truh hăm bơngai răt yua lơ̆m teh đak păng ƀrư̆ ƀrư̆ pơjing khŭl jang tĕch mơdro điện tử kơtă hloi đơ̆ng tơring.