VOV4.Bahnar - Hăm hlŏh 1ha chŭn na ƀa đak păng chŭn ‘nhot, lơ̆m sơ năm 2021, mă đơ̆ng tơ ƀâp lơ mơ mat tat mưh tĕch yoa đơ̆ng jĭ Covid-19, mă lei gơ nơm jang kiơ̆ trong dar dĕh, unh hnam ƀok K’Pìn, tơ̆ xăh Đạ Ròn, apŭng Đơn Dương (Lâm Đồng) oei đei iŏk yoa sơ đơ̆ng ăn unh hnam. Mă hơ dăh, pơ tôch 1 sơ năm jang, pơ huach tôm jên jang păng păng arih xa, unh hnam ƀok oei mong đei hlŏh 60 triu hlak jên. Yoa thoi nŏh, têt truh kŭm đei unh hnam răt tôm tơ mam yoa vă ngôi pơ chơt.

Ƀok K’Pìn, pơ ma: “Ƀât têt ‘nâu, unh hnam pơ tăm hlŏh 1 sao pơ kao, kŭm ưh kơ lơ, kơ jă tĕch kiơ̆ đei pơ dro tơ̆ ‘ngoăih, pơ tăm tŏ sĕt đei xa tŏ sĕt, pơ tăm lơ đei xa lơ. ‘Ngoăih kơ jang ƀa, unh hnam oei pơ tăm ‘nhot hai. Mă đơ̆ng kơ jă tĕch jur tŏk ră, mă lei unh hnam oei đei iŏk yoa sơ đơ̆ng. Têt truh unh hnam pơ gơ̆r thoi đe nai ‘năi, đei yă kiơ pơ chơt hăm yă ‘nei. Kŭm tĕh iĕr, bip, pai tơ drô ge vă krao ‘nhŏng ŏh ngôi hơ dai, pơ chơt hăm unh hnam”.

Dơ̆ng: Tơ blơ̆