Grŭp dôm tơ drong găh ming man akŏm găh tơ drong oei đei hrei ‘nâu, trong jang vă hơ tŏk tơ drong ‘lơ̆ng mưh tơ proh trong jang păng vei lăng tơ ring kơ drâm đơ̆ng Việt Nam, mă loi ‘nŏh tơ̆ dôm pơ lei tơm (plt) tih. Tơ drong pôk rĭ Anih tơm, anih jang kơ pal lĕch đơ̆ng tơ ring kơ drâm kơ plt Hà Nội. Vei lăng tĕh, hnam oei; tơ drong sek tơ lang dôm khul grŭp, rim bơ ngai pơm glăi lơ̆m tơ drong tĕch mơ dro, mong akŏm jên, tĕch mơ dro tĕh.

Tơ drong man hnam oei tơ pôl ăn bơ ngai đei jên khei tŏ sĕt, công nhân bơ ngai jang, mă loi tơ̆ dôm tơ ring jang mŭk drăm, tơ ring jang kơ măy păng dôm plt tih. Hơ năp jang vei lăng tĕh đak đơ̆ng Anih tơm ming man mưh chih tơ lĕch, bơ̆ jang kiơ̆ dôm tơ drong hơ găt ki thuơ̆t, kơ jă, hơ găt lơ̆m tơ drong ming man. Phó Thủ tướng Lê Văn Thành, Kơ dră chĕp kơ̆l dôm Anih tơm: Tơ lĕch nơ̆r sơ kơ̆t tơ mât jên jang, jên hu, trong nơ năm, Tơ mam drăm păng cham char, Bơ̆ jang, linh jĭ rơ ka păng tơ pôl, Kơ dră chĕp kơ̆l Anih mong jên tĕh đak Việt Nam, Kơ dră chĕp kơ̆l Anih jô̆ hơ len jên tĕh đak vang tơl tơ blang lơ tơ drong đei ƀơm truh.