VOV4.Bahnar - Ƀlep ƀơ̆t năr Bơ ngai mơ dro sa Việt Nam 13/10, pơ gê brei (11/10), Học viện Chính trị Quốc gia Hồ Chí Minh jang hơ dai hăm Liên đoàn Mơ dro sa păng Kơ măy kơ mŏk Việt Nam (VCCI) pơ gơ̆r Hop akŏm khoa hŏk hăm hơ năn “Jơ hngơ̆m đon tơ păt ‘lơ̆ng kơ bơ ngai mơ dro sa găh tơ drong tĕch mơ dro ‘lơ̆ng hơ iă kơ Việt Nam lơ̆m chăl ‘nao ”. Pơ ma tơ̆ hop akŏm, Kơ dră vei lăng Học viện Chính trị Quốc gia Hồ Chí Minh Nguyễn Xuân Thắng pơ ma hơ dăh, jơ hngơ̆m đon tơ păt ‘lơ̆ng đơ̆ng bơ ngai mơ dro sa đei hơ năp jang vang tơ ƀôh trong vă jang ăn dôm tơ drong jang tĕch mơ dro kiơ̆ trong hơ gei, yua kơ kon bơ ngai. Yua thoi noh, jơ hngơ̆m đon tơ păt ‘lơ̆ng đơ̆ng bơ ngai mơ dro sa, tĕch mơ dro ‘lơ̆ng hơ iă ưh khan lăp tơ gop pơ trŭt anih jang mơ dro sa yak hơ dai hăm tơ pôl, hơ tŏk hơ năp jang tơ năp hăm tơ pôl, cham char bri brăh mă oei jing tơ drong ‘lơ̆ng vă pơ trŭt tơ drong hơ tŏk tơ iung kơ jăp đơ̆ng kơ dih anih jang mơ dro sa.

VOV/Thuem tơ blơ̆