VOV4.Bahnar - ‘Năr 14/7, ‘măng hop akŏm 4 Jơ nŭm pơ gơ̆r kon pơ lei dêh char Dak Lak jăl X akŏm pơ ma dơ nuh lơ tơ drong gĭt kăl ƀơm truh dôm trong jang bơ̆ jang kiơ̆ dôm tơ drong hơ găt, hơ năp jang hơ tŏk tơ iung mŭk drăm - tơ pôl, vei sơ đơ̆ng teh đak 6 khei hơ tuch sơ năm, dôm tơ drong ƀơm truh tơ drong arih sa kơ kon pơ lei. Kiơ̆ đơ̆ng pơ ma dơ nuh, dôm bơ ngai tang măt drơ̆ng nơ̆r hăm hla ar tơ roi tơ băt pơ tôch jang kiơ̆ hơ năp jang 6 khei blŭng sơ năm, hơ dai hăm athei rim anih jang kăl kơ tŭn pran hơ met ming hla ar hành chính păng sơng đei tơ mơ̆t jên jang; bơ ngơ̆t truh tơ mơ̆t jên jang, hơ tŏk tơ iung pơm trong nơ năm hrơ̆ch 1 ‘măng, ‘nao...

Bơ ngai tang măt Trần Hồng Tiến pơ ma tơ̆ ‘măng hop akŏm mă 4 Jơ nŭm pơ gơ̆r kon pơ lei dêh char Dak Lak

Găh tơ drong choh jang sa, dôm bơ ngai tang măt athei Anih vei lăng kon pơ lei dêh char păng dôm anih jang kơ pal đei trong jang tĕch sầu riêng tơ̆ teh đak đe. Hăm hơ găt teh să dang 12.000 hec ta sầu riêng, plei rim sơ năm hloh 125.000 tấn, Dak Lak kăl athei tŭn pran tĕch tơ̆ teh đak đe.

Thuem: Tơ blơ̆