Tơ̆ jơ pơm jang, Thủ tướng Phạm Minh Chính ră hơdah, tơdrong kăl hloh hơtŏk tơ-iung kơ tơdrong jang Joh ayŏ Tơplŏng kơdou păng Tơmang pơhiơ̆, mă kăl noh pơm kiơ̆ Tơchơ̆t Hop akŏm bơngai tang măt jơ̆p teh đak 'măng mă 14 kơ Đảng tơrĕk truh tơdrong jang joh ayŏ; pơm kiơ̆ Tơchơ̆t 80 đơ̆ng Hơnih tơm Chinh trĭ; Tơdrong jang pơm kiơ̆ Tơchơ̆t 80; pơm kiơ̆ Tơdrong tơchơ̆t jang kơ teh đak gah joh ayŏ, pơjing tơdrong hơtŏk kŏng ngĭp joh ayŏ, pơchơt pơhiơ̆.

Thủ tướng pơgơ̆r hăm Hơnih tơm Joh ayŏ Tơplŏng kơdou păng Tơmang pơhiơ̆ hơlen lăng dôm trong pơkăp jang lơ̆m Tơchơ̆t Hop akŏm 'măng mă 14 kơ Đảng, Tơchơ̆t 80 đơ̆ng Hơnih tơm Chinh trĭ, akŏm dôm tơdrong tơhlăk tơhlĭn đei ƀôh lơ̆m tơdrong jang joh ayŏ vă tơmơ̆t lơ̆m Tơchơ̆t kơ Kuô̆k hô̆i.