‘Nou jĭ tơdrong đei drơ̆ng mĭnh nơ̆r kơtang tơ̆ Hop akom tih kơdră tang măt ‘măng mă I kơ Jơnŭm chư pơglang ƀrê dêh char. Lơ̆m jăl jang ou ki, rim kâp Jơnŭm chư pơglang ƀrê ƀar dêh char Đắk Lắk hăm Phú Yên hơdrol kơ hơgrop jing mĭnh hlôi tơlĕch jang kiơ̆ lơ tơdrong jang ‘mêm mơnat hăm akŏp kơjă kơjên hloh 403 ti hlak jên, tơgŭm djru hloh 1 triu 300.000 ‘nu bơngai; lơ tơdrong jang nhen Têt ‘Mêm mơnat, Khei ‘Mêm mơnat, plang ăn pham, tang găn tŏ ‘mi kial pơrăm jei iung jang keh đang hloh trong tơlĕch ăn. Pơrô̆ chĕp pơgơ̆r Hop akom, ƀok Nguyễn Thiên Văn, Kơ iĕng Kơdră chĕp pơgơr Hơnih vei lăng kon pơlei dêh char Đắk Lắk athei ,Jơnŭm chư pơglang ƀrê dêh char hơnơ̆ng tơplih ‘nao trong bơ̆ jang kiơ̆ trong trŏ lăp, tơpă hloh, kơtang hloh, atŏk kơtang iung jang tơplih kơsô̆, pơm hơtŏk jơnei krao hơvơn, vei lăng khul jang păng iung jang kiơ̆ jơnei hơnăp jang kăl hloh lơ̆m tơdrong ‘mêm mơnat dih băl.