Dôm tơdrong tơchơ̆t ƀơm truh tơdrong hơmet pơ ‘lơ̆ng khul jang, bơngai jang; hơmet ming Trong tơproh jang kơ dêh char đơ̆ng 2021-2030, trong vă jang truh sơnăm 2050; hơmet ming dôm tơdrong hơgăt ƀơm truh tơ̆ teh, bri ‘long; tơlĕch jên jang đơ̆ng teh đak, tơlĕch trong tơgŭm asong tŏk iŏk jên, chă tơdrong jang, vei sơđơ̆ng tơdrong arih păng chĕp vei dôm tơdrong juăt tôn chĭng chêng.

‘Măng hop akŏm chih hơdăh sơnăm 2026 tôch gĭt kăl mưh Đắk Lắk tơplih pran jing jang kiơ̆ trong Khul kơdră chĕp kơ̆l pơgơ̆r tơring 2 tăl. Ƀât mă GRDP jăl khei mă I lăp đei 7,47%, tŏ sĕt hlŏh kơsô̆ tơlĕch lơ̆m sơnăm đơ̆ng 10% tŏk tơ̆ kơpal, Jơnŭm pơgơ̆r kon pơlei dêh char athei dôm anih jang kơpal jăh tơlĕch jang kiơ̆ tơdrong tơchơ̆t kiơ̆ trong “6 rơđăh - 1 hơnơ̆ng”, pơm ‘lơ̆ng găh tơdrong rơđăh bơngai, rơđăh tơdrong jang, rơđăh hơnăp jang păng đei yoa mưh bơ̆ jang.