‘Măng hop akŏm tơgop hơmet pơ ‘lơ̆ng trong jang vă Khul kơdră pơgơ̆r tơring 2 tăl gơ̆h bơ̆ jang đei yoa ‘lơ̆ng. Anih vei lăng kon pơlei dêh char Gia Lai oei hơtŏk hrĕnh dôm tơdrong jang ming man tơm nhen pơm: Trong gre păr jur tŏk kơsô̆ 2 tơ̆ Cham gre păr Phù Cát; trong gre kơdâu hrĕnh Quy Nhơn – Pleiku; Tơring jang Kơmăy păng tơnŏk duk Phù Mỹ; Tơring Kơdrâm pơvih pơvăn CK54; păng Tơring jang kơmăy găh Pơbăh plt Pleiku.

Bí thư Đảng dêh char Gia Lai Hồ Quốc Dũng athei hơlen năng rim tơdrong hơgăt, tơdrong jang, klăih song hơdăh bơngai jang, tơdrong jang, hơnăp jang; atŭm hăm ‘nŏh jang hơdoi vang hơlen năng dôm tơdrong tơchơ̆t, trong pơgơ̆r jang, tơdrong tơgŭm hlôi đei tơlĕch đơ̆ng Gia Lai păng Bình Định vă hơlen năng tơdrong gơ̆h jang kiơ̆ đơ̆ng khul kơdră pơgơ̆r ‘nao đơ̆ng rŏng kơ tơmât hơdai.