Lơ̆m noh, tơrĕk hloh noh Tơchơ̆t gah Jang hơtŏk mŭk drăm – tơpôl, vei sơđơ̆ng tơpôl dêh char Đăk Lăk lơ̆m jăl jang 2026-2030. Tơchơ̆t hơdah gah pơjing Đăk Lăk jing dêh char hơtŏk tơ-iung hơbĕch hơbal kơ jơ̆p teh đak; jĭ hơnih jang mŭk drăm jơk, logistics, jang pơgang hơmet jĭ jăn, pơtho pơhrăm, tơmang pơhiơ̆, joh ayŏ - tơplŏng kơdou păng khua hŏk – kŏng ngê̆ kơ tơring Pơbah Tŏk bŏk păng Tây Nguyên.

Tơchơ̆t adoi sơkơ̆t hơdah 5 trong jang dơnơm, đei keh đang tơchơ̆t jang păng pơjing tơdrong jang hanh chĭnh 'nao gơh hơgei; hơvơn tơnăp dôm tơdrong hơtŏk pơm jang; iŏk khua hŏk – kŏng ngê̆, tơplih 'nao tơchăr hơgei păng tơplih kơmăi kơsô̆ vă pơm trong hơtŏk tơ-iung; hơtŏk Tơring jang mŭk drăm Pơbah Phú Yên, tơring kơdrơ̆m Buôn Ma Thuột păng dôm tơdrong jang mŭk drăm jing dôm hơnih jang hơtŏk tơ-iung kơtang hloh; hơtŏk kơtang mŭk drăm tơ-'ngla pơm tơm, mŭk drăm jơk, mŭk drăm kơmăi kơsô̆, mŭk drăm đak dơsĭ păng pơm tơlĕch tơmam drăm kăp gĭt hloh.