8 khei sơnăm 2026, mŭk drăm - tơpôl kơ dêh char Khánh Hòa hơnơ̆ng pơvei jang tŏk ‘lơ̆ng. Lơ̆m noh tĕch mơdro, pơvih pơvăn păng chă tơmang lăng đei tơgop tih hăm akŏm kơsô̆ tĕch le tơmam păng iŏk yua pơvih pơvăn răt yua đei hloh 156.000 ti hlak jên, tŏk vă jê̆ 20 % pơting hăm khei ‘nâu sơnăm sơ̆.

Tơmoi chă tơmang lăng đei 18 triệu ‘nu, tŏk vă jê̆ 40%; iŏk yua đơ̆ng chă tơmang lăng đei hloh 60.000 ti hlak jên, tŏk 19,2%. Lơ̆m trong tơlĕch jang dôm khei hơtuch sơnăm, dêh char Khánh Hòa băt hơdăh chă tơmang lăng, ming man, tơmơ̆t jên jang păng jang kơmăy kơmŏk ‘noh jĭ dôm tơdrong jang kăl kơ akŏm vă pơm ‘lơ̆ng tơdrong ưh kơ măh jang tŏk. Rim tơring tơ̆ Khánh Hòa tŏk bŏk hăt hot jang đang 90 năr iŏk pơ ‘ngoăih teh, hơmet pơ ‘lơ̆ng dôm tơdrong tơhlăk găh teh, hla ar tơmơ̆t jên jang, kiơ̆ đơ̆ng ‘noh tŭn hrĕnh tơlĕch jên tơmơ̆t jang kơ teh đak.