Lơ̆m hloh 2.470 hơnih bơ̆ jang dang ei đei, hloh 2.090 hơnih bơ̆ jang hơnơ̆ng iŏk yoa, pă dôm yơ ‘noh đei dăr lăng vă iŏk tơvih dăh mă pơjao ăn tơring vei lăng. Dêh char Khánh Hòa hlôi pơjing khul bơ̆ jang dăr lăng, lăng hơlen, adoi pơjao lơ hơnih jang ăn tơring dăh mă hơnih bơ̆ jang vei lăng. Kiơ̆ đơ̆ng Hơnih bơ̆ jang vei lăng Jên hu dêh char Khánh Hòa, tơdrong hơmet pơ ‘lơ̆ng 370 mŭk drăm teh đak rơkăh dăh mă iŏk yoa ưh jơnei dang ei tơƀơ̆p dơ̆ng tơhlăk tơhlĭn kơ yuơ Trung ương athei pơdơ̆h chă tĕch hnam, teh rơkăh. Dang ei dêh char athei dăr lăng dơ̆ng đĭ đăng hơnih iŏk yoa, lăng hơlen tơdrong jơnei lơ liơ đơ̆ng rŏng pơjao păng chă tơchĕng hơlen rim trong jang iŏk yoa trŏ lăp nhen ăn mơng, jang hơdoi dăh mă tơplih tơdrong iŏk yoa pơvih pơvăn ăn pơtho pơhrăm, jang pơgang, vei lăng joh ayŏ kơdŏ soang.