Truh dang ei, đĭ đăng 65 tơring, phương, tơring kăl (‘noh đei tơring kăl Trường Sa) găh dêh char Khánh Hòa hlôi iung jang keh đang pơjing, pơklep hla bơar hơnăn bơngai năm tăh hla păng bơngai đei hơnăn ăn pôk tơmơ̆t ƀlep hăm tơdrong tơchơ̆t, adoi hơnơ̆ng dăr lăng hơlen hơnăn kon pơlei vă sơđơ̆ng ăn tơdrong gơh năm pôk rơih. Dêh char pơjing 4 Hơnih chĕp pơgơ̆r pôk rơih Kơdră tang măt Kuô̆k hô̆i, 19 Hơnih chĕp pơgơ̆r pôk rơih Jơnŭm vei lăng kon pơlei dêh char, 387 Hơnih chĕp pơgơ̆r pôk rơih Jơnŭm vei lăng kon pơlei tơring; kĭ tơchơ̆t 1.123 hơnih tăh hla hơtŏ hăm 1.123 khul chĕp pơgơ̆r pôk rơih. Khánh Hòa đei 20 ‘nu kơdră ăn pôk rơih pơm kơdră tang măt Kuôk hô̆i tơ̆ 4 hơnih pôk rơih vă pôk rơih iŏk 12 ‘nu kơdră tang măt; 108 ‘nu kơdră ăn pôk rơih pơm kơdră tang măt Jơnŭm vei lăng kon pơlei dêh char vă pôk rơih iŏk 67 ‘nu kơdră tang măt; Jơnŭm vei lăng kon pơlei tơring gô vă pôk rơih đei 1.392 ‘nu kơdră tang măt.