Tơdrong jang đei lơ̆m teh xă vă jê̆ 290 ha, tơlĕch jang đơ̆ng tŏk bŏk khei 8, truh dang ei hlôi chưk pơ ‘ngoăih hlŏh 116 ha teh. Tơ ‘ngla tơmât jên jang đei ƀơk ăn hla ar teh hlŏh 66 ha, đei tôm tơdrong kăl vă tơlĕch jên jang blŭng a. Mă lei, tơdrong hrŭ ‘mong jên  teh oei tơƀâp tơhlăk tăk yoa teh hơdrom băl, ưh đei tôm hla ar păng kon pơlei chă trong man bơ̆n anih jang, hnam oei pơgia vă gô chang jên hrŭ ‘mong.

Viglacera pơkăp kăt tơjur khei ‘năr ming man 1 sơnăm, tơlĕch jang hrơ̆ch đơ̆ng khei 11, truh jăl khei mă I sơnăm truh jang đei 50ha teh pơm trong, anih jang vă pơjao ăn tơ ‘ngla tơmât jên jang xa dơ̆ng. Mưh jang đang, tơring jang kơmăy jing anih jang kơmăy kơmŏk ‘nao ‘lơ̆ng, anih jang logistics păng tơring kơdrâm jŭm dăr kơ tơring Vân Phong, chă tơdrong jang, sơng iŏk jên tơmât jang lơ̆m păng ‘ngoăih kơ teh đak, vang tơgop hơnhăk kơmăy kơmŏk jing tơdrong jang tơm kơ dêh char.