Lơ̆m noh, Anih vei lăng  ming man chông hơdrol lơ̆m dêh char hăm kơsô̆ kăt tơ jur đei 75%; Anih vei lăng hơnih mŭk drăm păng hơnih kơmăy kơmŏk đei vă jê̆ 70%. Lơ hla ar ƀơm truh tơmơ̆t jên jang, pơm tơlĕch tĕch mơdro đei pơm kơđeh lơ, tơdrong ‘lơ̆ng đei hla ar tơ jur lơ đơ̆ng 32 năr jur oei pă 17 năr, tơgŭm anih mơdro sa tŭn hrĕnh tơdrong jang.

Kơdră chĕp kơ̆l Anih vei lăng kon pơlei dêh char Khánh Hòa tơbăt, tơdrong hrơ̆ch dăr hơlen, tơ jur đơ̆ng 10% truh 50% jơ năr pơm hla ar bơ̆jang đơ̆ng blŭng sơnăm truh dang ei ‘noh jĭ trong jang gĭt kăl vă hơtŏk ‘lơ̆ng đei yua tơdrong bơ̆jang đơ̆ng tơdrong jang khŭl kơdră chĕp kơ̆l tơring 2 tăl, păng gô hơnơ̆ng pŭn pran tơ̆ hơnăp kơnh.