Tơ̆ jơ bơ̆ jang, Thủ tướng Lê Minh Hưng tơƀôh hơdăh, tơdrong jang mŭk drăm kơ dêh char Lạng Sơn gơnang lơ̆m mơdro sa kiơ̆ sơlam teh đak, tĕch mơdro lơ̆m hơnih ‘măng sơlam teh đak păng rim tơmam drăm pơm hơtŏk kơjă tim mă kơtang; ưh kơ măh tơmam drăm tơmang pơhiơ̆ ‘lơ̆ng; tơdrong jang kmăi kmŏk oei gơnang lơ̆m sir iŏk mŭk drăm lơ̆m teh, tơmam ming man păng rim hơnih jang kơjă tŏk tŏ sĕt. Thủ tướng jei tơƀôh hơdăh, tơdrong bơ̆ jang pơm hla bơar kơ dêh char Lạng Sơn hơmet ming hiơ hiơ̆, găh lơ̆m khul rim dêh char đei tơdrong jang ưh kơ gan jơnei lơ̆m teh đak păng ‘nou jing tơdrong tơhlăk tơhlĭn kơtang hloh hăm tơdrong hơvơn tơmơ̆t jên jang. Khei năr ou kơnh, Thủ tướng athei dêh char Lạng Sơn hơmet pơ ‘lơ̆ng rim khul jang găh trong jang kiơ̆ tŏk mŭk drăm 6 khei hơtuch sơnăm păng hơdrin đĭ ai, jang kiơ̆ ƀlep, tơlĕch jang kơtang vă iŏk đei ƀlep trong hơlĕch ăn tŏk mŭk drăm 10% lơ̆m sơnăm. Lơ̆m ou sơkơ̆t hơdăh trong tŏk mŭk trăm trŏ lăp hăm tơdrong đei kơ dêh char sơlam teh đak.