Hop akŏm vă tơƀôh tơbăt tơdrong đei, pơchoh trong atŏk tơ iung tơdrong jang dơnŏk đak dơsĭ, logistics păng krao hơvơn rim bơngai tơmơ̆t jên jang kăl vang iung jang atŏk tơ iung hơnih jang mŭk drăm đak dơsĭ kơ dêh char.Lơ bơngai joăt jang hơlen, lơ̆m khei ‘năr tơdrong jang tĕch mơdro lơ̆m plei teh tŏk bŏk hơmet ming, Khánh Hòa kăl tơlĕch jang hrơp mĭnh ‘măng dơnŏk đak dơsĭ, dơnŏk tơ̆ kông păng hơnih tơm logistics vă pơjing đei trong jang logistics ‘lơ̆ng hơ iă, tơplih ăn tơmơ̆t jên jang kơdih kơdih kiơ̆ hơnih jang. Vân Phong gô jing hơnih tơm dơnŏk ‘măng jang păng hơnih tơm mơ̆t lĕch duk apŭng plĕnh teh; Cam Ranh atŏk tơ iung logistics kơdih; găh hơnih dơnŏk groi teh gô tơgoăt hăm tơmam drăm đơ̆ng Tây Nguyên păng Nam Trung Bộ. Tơmơ̆t jên ming man dơnŏk đak dơsĭ păng dơnŏk groi teh trŏ lăp gô tơgŭm ăn chơ pơdŭ hiôk hian ƀônh kơ truh, pơm dă ƀiơ̆ tơhoach kon jên logistics ăn hơnih mơdro sa, atŏk kơtang tơgoăt jang hơdoi tơring păng pơjing hơyak pran atŏk tơ iung mŭk drăm đak dơsĭ.