Pơsat ƀlŏk tơbăt kơ linh lôch tang Vị Xuyên jĭ hơnih pơdơh pơdei kơ 1.972 linh lôch tang păng 2 hơnih pơsat linh lôch tang ƀŭ atŭm. Tơ̆ hơnăp rup man tơƀlŏk chih chư Teh đak ƀlŏk bơnê, tang măt ăn kơdră Đảng păng teh đak, Thủ tướng Lê Minh Hưng atŭm hăm rim bơngai tang măt kơpal kŭp yom plang pơkao, soh nhang ƀlŏk tơbăt păng hmach bơnê kơ tơdrong plang tih tên đơ̆ng Khŭl linh lôch tang kơyuơ tơdrong rơngei hiôk hian kơ teh đak.

Lơ̆m tơdrong tơblah vei lăng sơlam teh gah Tu, tơ̆ kơdrăn tơblah Vị Xuyên, hăm đon bơnôh nuih mơng "Hơrih krôp tơmo tơblah ayăt, lôch jing tơmo nuih kơtang", khul linh păng kon pơlei hlôi nuih mơng iung tơblah, hiơt dơh po vă vei lăng rim hơgăt teh kăp gĭt kơ teh đak.