‘Nou jĭ tơring hơdrol sơnăm 2018 đei lăng jing “hơnih tŏ đon” găh tơdrong pơm glăi ma tuý kơ tơring Tây Bắc, mă lei dang ei hlôi jing groi teh sơđơ̆ng dơ̆ng kơjăp, mŭk drăm-tơpôl atok tơ iung, kon pơlei đei tơdrong hơrih sa phĭ tơtŏ dơnŏ ‘lơ̆ng dơ̆ng kơjăp hơnŭk hơnoa, hơvơn đei lơ tơmoi lơ̆m teh đak păng teh đak đe truh tơmang pơhiơ̆. Tang măt ăn kơdră chĕp pơgơ̆r Đảng, Teh đak, pơtruh nơ̆r ƀơ̆r pơma truh hăm rim bơngai tang măt păng đĭ đăng kon pơlei lơ̆m tơring nơ̆r apĭnh jet gia ‘lơ̆ng hơ iă hloh,Tổng Bí thư, Kơdră chĕp pơgơ̆r teh đak Tô Lâm sơkơ̆t hơdăh, yak hloh 21 sơnăm, Năr lêh đĭ đăng kon pơlei vang vei lăng sơđơ̆ng Teh đak hlôi jing tơdrong pơgơ̆r rim sơnăm, jing tơdrong jang tôch tih tên, tơgop pơm hơtok kơtang jơhngơ̆m đon kĕch mang, joăt joe ‘mêm kơ eng teh đak, jơhngơ̆m đon hưch hanh hơmanh bơnê hơdrĕch hơdrung, pôk pơ ư jơhngơ̆m pran tơpôl. Akhan, iung jang vei lăng năng tông sơđơ̆ng Teh đak jĭ vă pơjing cham char ‘lơ̆ng liĕm ăn atŏk tơ iung mŭk drăm-tơpôl, Tổng Bí thư, Kơdră chĕp pơgơ̆r Teh đak Tô Lâm jei athei, Pơlei Loóng Luông, tơring Vân Hồ pơma hơdrô̆, dêh char Sơn La pơma atŭm kăl hơdrin hloh dơ̆ng tơ iung pơjing, pơih să rim trong jang ‘lơ̆ng lơ̆m atŏk tơ iung mŭk drăm-tơpôl vă rim ŭnh hnam, rim ‘nu kon pơlei đei tơdrong hơrih sa ‘lơ̆ng hơ iă hloh, pơdrŏng hloh dơ̆ng, trong tơlĕch jang ‘noh jĭ Kon pơlei đei rơngei hiôk hian sơđơ̆ng, đei tơdrong hơrih sa roi năr roi ‘lơ̆ng liem hloh. Jơ ‘năr ou, Tổng Bí thư, Kơdră chĕp pơgơ̆r teh đak Tô Lâm atŭm hăm rim kơdră chĕp pơgơ̆r Đảng, Teh đak hlôi pôk ăn lơ tơmam drăm ăn khul kơdră chĕp pơgơ̆r đảng, kơdră chĕp pơgơ̆r pơlei Loóng Luông păng tơring Vân Hồ; dôm bơngai đei kon pơlei lui yom, kră pơlei, thôn trơng jang tơnăp ‘lơ̆ng lơ̆m tơdrong jang vei lăng sơđơ̆ng Teh đak păng dôm bơngai lơ̆m khul bơ̆ jang vei lăng sơđơ̆ng dơ̆ng kơjăp lơ̆m tơring; rim ŭnh hnam đei iŏk yoa ăn teh đak, ŭnh hnam hơrih sa tơnap tap.