Tơ̆ âu, Tổng Bí thư, Kơdră teh đak Tô Lâm tơbăt, kŭm hăm vei lăng, bơ̆jang kiơ̆ tơdrong jang tơgŭm hăm dôm ŭnh hnam lĭnh lôch tang ăn teh đak, dôm lĭnh jĭ rơka, jĭ jăn, lĭnh so, dôm bơngai tơgop ăn tơdrong jang iŏk rơngei hơdrĕch hơdrŭng, jơnei teh đak, vei lăng tơdrong rơngei pơm tơm hơgăt teh, vei lăng tơdrong sơđơ̆ng păng hơtŏk tơiung teh đak.... Đảng, Teh đak păng đĭ đăng tơpôl tŏk bŏk hơdrin tơchă, sir iŏk akŏm, băt hơdăh hơnăn dôm lĭnh lôch tang ăn teh đak hlôi lôch hơchăng lơ̆m lăm teh mĕ Việt Nam păng dôm lĭnh bơ̆jang hơnăp jang apŭng plĕnh teh gĭt kăl.

Tổng Bí thư, Kơdră teh đak Tô Lâm athei, Hơnih jang athei jang hơdai ‘lơ̆ng hăm hnam pơgang kơpal vă khăm hơlen, hơmet păng chơ hơmet tơ̆ hnam pơgang kơpal tơtom; ưh kơ gơh lê̆ hla ar bơ̆jang pơm hiơ̆ tơdrong hơmet jĭ. Yua kơ Tơdrong Đảng, teh đak păng đĭ đăng tơpôl athei jang ‘noh jĭ vang tơgŭm dôm tơdrong mơmat tat uơ oei dơ̆ng, vă kơ đe mih nă, đe nhŏng, đe mŏ hơrih chơt, hơrih pran, hiôk; đei vei lăng hăm tơdrong ‘mêm kơ eng, tơdrong pơyom păng ƀĕnh tơdrong băt ‘mêm.