9 khei kơ sơnăm 2025, tơmam drăm đei pơm tơlĕch atŭm kơ Khánh Hòa tŏk 7%, pơkăp dơ̆ng mă 26 lơ̆m 34 dêh char, pơlei tơm lơ̆m jơ̆p teh đak păng dơ̆ng mă 4 lơ̆m 6 lơ̆m tơring tơter đak dơsĭ Tŏk bŏk – Tây Nguyên; jên đei yua tơmơ̆t lơ̆m jên mong đei hloh 28.800 tih hlj, hloh 3% pơkăp Trung ương pơjao, tŏk jê̆ 50% pơtêng hăm khei năr ou sơnăm sơ̆. Tơmang pơhiơ̆ păng jang tĕch pơdro pơtoi jang đei jơnei, sơng hloh 14,1 triu 'nu tơmoi, lơ̆m noh 4,3 triu tơmoi đơ̆ng teh đak đe, đei yua hloh 56.500 tih hlj, tŏk jê̆ 20% pơtêng hăm khei năr ou sơnăm 2024.

Tơ̆ Hop akŏm, Ƀĭ thư Tĭnh uy Khánh Hòa Nghiêm Xuân Thành ră hơdah: Khánh Hòa athei akŏm jang tơdrong jang dơnơm, pơkăp kơ dôm tơdrong kăp gĭt vă đei jơnei tơchơ̆t tơlĕch hơtŏk hloh 8%, atŭm hăm noh pơklaih 246 tơdrong jang oei tơhlăk tơhlĭn, pơm hiôk jên asong jang mă tŏk bŏk oei tơhlăk. Ƀok Nghiêm Xuân Thành adoi tơrĕk gah tơdrong akŏm pơkăp teh kơ dêh char Khánh Hòa 'nao kăl đei pơm jang mă tơnăp ăn dôm pơkăp jang hơtŏk tơ-iung.